බ්‍රසීලයේ සිට ඩුබායි හරහා මත්ද්‍රව්‍ය රැගෙන මෙරටට පැමිණි විදේශීය ජාතිකයෙක් කටුනායක ගුවන් තොටුපොළේ දී රේගු නිලධාරීන් විසින් අත්අඩංගුවට ගෙන තිබෙනවා.
මෙම විදෙස් ජාතිකයා EK 650 දරණ ගුවන් යානයෙන් අද (23) උදෑසන 8.30ට මෙරටට පැමිණ ඇති බවයි වාර්තා වන්නේ.
අත්අඩංගුවට ගැනුණු විදෙස් ජාතිකයා සිරුර තුළ සඟවාගෙන පැමිණි ග්‍රෑම් 132ක් බරැති මත් කරල් 12ක් පිටතට ගැනීමට රේගු නිලධාරීන්ට හැකිව තිබෙනවා.
මෙලෙස සොයාගත් මත්ද්‍රව්‍ය කොකේන් බවට සැක කෙරෙනවා.
41 හැවිරිදි වෙනිසියුලා ජාතිකයෙක් මෙලෙස අත්අඩංගුවට ගෙන ඇති අතර, ඔහුගෙන් කළ ප්‍රශ්න කිරීම්වල දී ඔහු විසින්ම මත්පෙති ගිලගත් බව පිළිගෙන තිබෙනවා.
වැඩිදුර විමර්ශන සඳහා සැකකාර විදෙස් ජාතිකයා පොලිස් මත්ද්‍රව්‍ය නාශක කාර්යාංශය වෙත භාරදීමට නියමිත බව රේගු මාධ්‍ය ප්‍රකාශකවරයා සඳහන් කළා.
ඔබේ ප්‍රතිචාරය කුමක්ද ?
+1
+1
2
+1
+1
1
+1
+1
+1
