මුලතිව් කොක්කුතුඩුවායි සමූහ මිනීවළේ දෙවන අදියරේ කැණීම් තාවකාලික ව නවතා දමා තිබෙනවා.
ඊයේ දිනයේ දී මෙම මිනී වළෙන් මියගිය මිනිස් සිරුරු 39ක් සොයාගත් බවයි අප වාර්තාකරු පැවසුවේ.
යුද්ධය කාලයේ දී මියගිය මිනිස් සිරුරුවල අස්ථි කොටස් මෙම කැණීම්වලින් හමු වුණා.
කෙසේවෙතත් මෙහි කැණීම් කටයුතු අද දිනයේ දී තාවකාලික ව නවතා දැමීමට මුලතිව් මහේස්ත්රාත් ධර්මලිංගම් ප්රදීපන් නියෝග කර සිටියා.
මේ අනුව දෙවන අදියර දක්වා සිදු කරන ලද කැණීම්වල දී සිරුරු 39ක අස්ථි කොටස් හමු ව ඇති අතර ම තෙවන අදියරේ කැණීම් කටයුතු ලබන වසරේ 2024 මාර්තු මස මුල සිට ආරම්භ කරන බවට ද මුලතිව් මහේස්ත්රාත් අධිකරණය විසින් දැනුම්දෙනු ලැබුවා.
පසුගිය 20 වනදා දෙවන අදියරේ කැණීම් කටයුතු ආරම්භ කරන විටත්; පළමු අදියර යටතේ සිරුරු 17ක අස්ථි කොටස් හමු වී තිබූ අතර 20 සිට 28 දින දක්වා කාලය තුළ දී සිරුරු අස්ථි කොටස් 22 ක් සොයාගනු ලැබූ බවත් සඳහන්.
මෙහිදී සමූහ මිනීවළෙන් මේ වන විට මීටර් 3 ක පළලින් යුත් මීටර් 7 ක පමණ දිගින් යුතු වපසරියක කැණීම් කටයුතු සිදුකොට අවසන් වී ඇති බවයි වාර්තා වන්නේ.
