ඉන්දියාවේ කේරළ ප්රාන්තයේ වයානාද් දිස්ත්රික්කයේ ගම්මාන දෙකක සිදු වූ නායයෑම්වලින් මියගිය ගණන මේ වනවිට 158 දක්වා ඉහළ ගොස් තිබෙනවා.
මෙම ඛේදවාචකය හේතුවෙන් අද (31) කේරළ ප්රාන්ත රජය එක්දින ශෝක දිනයක් වශයෙන් ප්රකාශයට පත් කර තිබෙන අතර ප්රාන්ත රජයේ හා ජාතික ධජ අඩකුඹු කොට තබන ලෙසයි රජය ජනතාවට දැනුම්දී ඇත්තේ.
අදාළ ව්යසනය සම්බන්ධයෙන් මධ්යම රජයේ අමාත්ය අමිත් ෂා අද දින ඉන්දීය පාර්ලිමේන්තුව අමතමින් විශේෂ ප්රකාශයක් සිදු කරනු ලැබුවා.
අමාත්යවරයා සඳහන් කර සිටියේ මෙම නායයෑම සම්බන්ධයෙන් කේරළයට පූර්ව අනතුරු ඇඟවීමක් සිදු කර ඇත්තේ ජූලි 23 වැනි දා බවයි.
මෙම ස්වාභාවික ව්යසනයෙන් පුද්ගලයින් 200කට අධික පිරිසක් තුවාල ලබා ඇති අතර තවත් 180 දෙනෙක් අතුරුදන් ව සිටිනවා.
කෙසේවෙතත් අමිත් ෂා වැඩිදුරටත් සඳහන් කර ඇත්තේ මධ්යම රජයෙන් විශේෂ සහන කණ්ඩායම් 09ක් මිනිසුන් ඉවත් කිරීම සඳහා පූර්ව අනතුරු ඇඟවීමේ දී පිටත් කර යවා ඇති අතර; කේරළ රජය නියමිත අයුරින් මිනිසුන් ඉවත් කිරීමට ක්රියාමාර්ගයක් ගෙන නොමැති බවයි.
