2015 වසරේ දේශපාලන ක්රියාකාරකම් සඳහා ශ්රී ලංකා රූපවාහිනී සංස්ථාවට අයත් රුපියල් 990,000ක මුදලක් වැය කර ජී.අයි. පයිප්ප බට මිලදී ගැනීම තුළින් රජයට පාඩුවක් සිදුකළේ යැයි චෝදනා කරමින් තමන්ට එරෙහිව අල්ලස් කොමිසම විසින් ගොනුකර තිබෙන නඩුව නිෂ්ප්රභ කරන ලෙස හිටපු අමාත්ය කෙහෙළිය රඹුක්වැල්ල විසින් ගෙන ආ මූලික විරෝධතාවක් කොළඹ මහාධිකරණය ප්රතික්ෂේප කළා.
කොළඹ මහාධිකරණ විනිසුරු නවරත්න මාරසිංහ මහතා විසින් මෙම තීන්දුව ලබා දුන්නා.
ඉන් අනතුරුව අදාළ නඩුව තවදුරටත් විභාග කිරීමට තීන්දු කළ මහාධිකරණ විසුරුවරයා එය නැවත අප්රේල් මස 04 වනදා කැඳවන ලෙසත් නියෝග කළා.
2014 වසරේ දෙසැම්බර් මස 02 වනදා ශ්රී ලංකා රූපවාහිනී සංස්ථාවට අයත් රුපියල් 990,000ක මුදලක් වැය කොට දේශපාලන කටයුතු සඳහා ජී. අයි. පයිප්ප බට මිලදී ගැනීම තුළින් රජයට පාඩුවක් සිදු කළේ යැයි චෝදනා කරමින් අල්ලස් කොමිසම විසින් එවක ජනමාධ්ය අමාත්ය කෙහෙළිය රඹුක්වැල්ල, රූපවාහිනි සංස්ථාවේ හිටපු සභාපති විමල් රූබසිංහ සහ හිටපු අධ්යක්ෂ ජනරාල් චන්ද්රපාල ලියනගේ යන අයට එරෙහිව මෙම නඩුව ගොනු කර තිබෙනවා.
