හිටපු අමාත්ය කෙහෙළිය රඹුක්වැල්ලට ඇප ඉල්ලා ගොනු කළ ප්රතිශෝධන පෙත්සමේ වගඋත්තරකරුවන්ගේ විරෝධතා ගොනු කිරීමට සැප්තැම්බර් 12 වැනිදා දක්වා කල් ලබාදෙන ලෙස කොළඹ මහාධිකරණ විනිසුරු සුජීව නිශ්ශංක (21) නියෝග කළා.
ප්රමිතියෙන් තොර ප්රතිදේහ එන්නත් මෙරටට ආනයනය කර බෙදා හැරීම සම්බන්ධයෙන් කෙහෙළිය රඹුක්වැල්ල මේ වනවිට රක්ෂිත බන්ධනාගාරගතව පසුවනවා.
නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජනරාල් ලක්මිණි ගිරිහාගම මෙනවිය වගඋත්තරකරුවන් වෙනුවෙන් විරෝධතා ගොනු කිරීමට කල් ලබා දෙන්නැයි සඳහන් කරමින් කළ ඉල්ලීමක් සැලකිල්ලට ගනිමින් විනිසුරුවරයා මෙම නියෝගය ලබාදුන්නා.
ප්රමිතියෙන් තොර ප්රතිදේහ එන්නත් මෙරටට ආනයනය කර රජයේ රෝහල්වලට බෙදා හැරීම මඟින් රුපියල් කෝටි ගණනක වංචාවක් සිදු කිරීම හා රෝගී ජීවිත අනාරක්ෂිත තත්ත්වයට පත් කිරීමේ සිද්ධියට අදාළව බන්ධනාගාරගත කර සිටින හිටපු සෞඛ්ය ඇමැති කෙහෙළිය රඹුක්වැල්ලට ඇප දෙන ලෙස ඉල්ලා ඔහුගේ දියණිය විසින් ගොනුකළ පෙත්සමක් විභාගයට ගත් අවස්ථාවේ නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජනරාල්වරිය කරුණු දැක්වීම සිදු කළා.
ඉන්දියානු ණය යෝජනා ක්රමය යටතේ ව්යාජ ලේඛන ඉදිරිපත් කර ප්රමිතියෙන් තොර ඉමියුනෝග්ලොබියුලින් ප්රතිදේහ එන්නත් ආනයනය කළ බවට හා ඒවා රජයේ රෝහල්වලට බෙදාහැරීම මගින් රෝගී ජීවිත අනතුරේ හෙලීම, රජයට වංචා කිරීම යන චෝදනාව යටතේ හිටපු ඇමැති කෙහෙළිය ඇතුළු 12 දෙනකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබුවා.
රක්ෂිත බන්ධනාගාරගත කර සිටින එම සැකකරුවන්ට ඕනෑම කොන්දේසියක් යටතේ ඇප දෙන ලෙස කරන ලද ඉල්ලීමක් විභාග කළ මාලිගාකන්ද මහේස්ත්රාත් ලෝචනී අබේවික්රම මහත්මිය පසුගිය 14 වැනිදා නඩු විභාගය නිම වනතෙක් විත්තිකරුවන් රිමාන්ඩ් බන්ධනාගාරගත කරන ලෙස නියම කළා.
ඇප නියෝගය ප්රකාශයට පත් කරමින් මහේස්ත්රාත්වරිය සඳහන් කළේ පොදු දේපළ පනතේ සැකකරුවකු අධිකරණයට ඉදිරිපත් කර රක්ෂිත බන්ධනාගාරගත කළ විට ඇපමත මුදා හැරීම සඳහා සුවිශේෂි කරුණු ඉදිරිපත් කිරීම අත්යවශ්ය බවයි.
ඒ අනුව නඩුව යළිත් සැප්තැම්බර් 12 වැනිදා කැඳවීමට නියම කෙරුණා.
But supreme parllament acquitted him all charges
ඇමති කෙනෙක් නිසා ඇප ලබෙන්න ඕන. අපේ රටේ යන සිස්ටම් එකක් තියෙනවානෙ.