නවසීලන්තයට එරෙහිව පැවැත්වෙන පළමු එක්දින තරගයේ දී අවිශ්ක ප්රනාන්දු සහ කුසල් මෙන්ඩිස් සිය එක්දින අර්ධ ශතක වාර්තා කිරීමට සමත් වුණා.
අද (13) තරගයේ කාසියේ වාසිය දිනූ ශ්රී ලංකා කණ්ඩායමේ නායක චරිත් අසලංක පළමු ව පන්දුවට පහරදීමටයි තීරණය කළේ.
ඒ අනුව පිටියට පැමිණි ශ්රී ලංකා ආරම්භක පිතිකරුවන් යුගලය වන පැතුම් නිස්සංක සහ අවිශ්ක ප්රනාන්දු එක්ව ශක්තිමත් ඉනිමක් ගොඩනැගීමට උත්සාහ කළ ද; එය ව්යාර්ථ වූයේ නිස්සංක ලකුණු 12කට ඩෆීගේ පන්දුවක් හමුවේ දැවී යාම හේතුවෙන්.
ඉන් අනතුරුව දෙවැනි කඩුල්ලට පිටියට පිවිසි කුසල් මෙන්ඩිස් අවිශ්ක හා එක්ව නොබිඳුණු ලකුණු 107ක සබඳතාවක් ගොඩනැගීමට සමත් ව සිටිනවා.
කුසල් මෙන්ඩිස් ජාත්යන්තර එක්දින පිටියේ 32 වැනි අර්ධ ශතකයත් අවිශ්ක 9 වැනි අර්ධ ශතකයත් වාර්තා කිරීමට සමත් වුණා.
කුසල් පන්දු 66ක දී නොදැවී ලකුණු 55ක් සහ අවිශ්ක පන්දු 64ක දී ලකුණු 55ක් ද අතැතිව පිටියෙහි රැඳී සිටිනවා.
මේ වනවිට ශ්රී ලංකා කණ්ඩායම එක් කඩුල්ලක් දැවී ලකුණු 128ක් ලබා සිටින්නේ පන්දුවාර 23ක් අවසානයේ දියි.
