විදේශ රටක නිෂ්පාදිත ස්වයංක්‍රීය ගිනි අවියක් සහ ජීව උණ්ඩ අටක් සමඟ පුද්ගලයකු දෙමටගොඩ සිරිධම්ම මාවත ප්‍රදේශයේදී පොලිස් අත්අඩංගුවට ගෙන තිබෙනවා.
සැකකරු සතුව ගිනි අවියක් තිබෙන බවට දෙමටගොඩ පොලිසියට ලැබුණු තොරතුරක් අනුව කළ වැටලීමකදී යි සැකකරු අත්අඩංගුවට පත්වී ඇත්තේ.
කුලී වැඩවල නිරත මෙම පුද්ගලයාට මෙම ගිනි අවිය ලැබුණු ආකාරය සම්බන්ධයෙන් විමර්ශනයක් සිදු කරන බව පොලිසිය සඳහන් කළා.
30 හැවිරිදි සැකකරු අලුත්කඩේ අධිකරණය වෙත ඉදිරිපත් කිරීමට නියමිත අතර දෙමටගොඩ පොලිසිය පරීක්ෂණ සිදු කරනවා.
