කුඩු සල්ලිවලින් උපයාගත් බවට සැක යාපනයේ තිබූ දේපළ තහනම් කෙරේ

පසුගිය පෙබරවාරි 26 වන දින හෙරොයින් මත්ද්‍රව්‍ය සමඟ අත්අඩංගුවට ගන්නා ලද වයස අවුරුදු 42 ක් වන අරියාලය, යාපනය ප්‍රදේශයේ පදිංචි සැකකරුවකු උපයාගන්නා ලද වත්කම් හා දේපළ සම්බන්ධයෙන් පොලිසිය විසින් විමර්ශනයක් සිදුකර තිබුණා.

ඒ අනුව මෙම සැකකරු විසින් නීති විරෝධීව උපයාගෙන ඇති දේපළ සහ වත්කම් සම්බන්ධව මුදල් විශුද්ධිකරණය වැළැක්වීමේ පනත යටතේ විමර්ශන සිදුකර සැකකරුට අයත් පහත දේපළ තහනමට ලක්කර තිබෙනවා.

එලෙස තහනමට ලක්ව ඇති දේපළ :-

• රුපියල් 695950/= (හයලක්ෂ අනූපන්දාස් නමසිය පහනයි) වටිනා ඩිංගි බෝට්ටුව හා එම බෝට්ටු එන්ජිමක්
• රුපියල් ලක්ෂ නමයක් පමණ වටිනා යතුරුපැදි දෙකක්.

සැකකරු සම්බන්ධයෙන් යාපනය කොට්ඨාස අපරාධ විමර්ශන කාර්යංශය මඟින් වැඩිදුර විමර්ශන සිදු කරනු ලබනවා.