බණ්ඩාරවෙල ප්‍රදේශයේ සිදුවූ රිය අනතුරකින් පුද්ගලයන් 21 දෙනෙකු තුවාල ලබා රෝහල් ගතකර තිබෙනවා.
කුඩා ලොරි රථයක් පෙරලී යාමෙන් මෙම අනතුර සිදුවී ඇති බවයි අප වාර්තාකරුවන් සඳහන් කළේ.
බණ්ඩාරවෙල ප්‍රදේශයේ වතු යායක සේවය අවසන් කර නිවෙස් බලා ලොරි රථයකින් ගමන් කළ සේවකයන් සහ එම රථයේ රියදුරා තුවාල ලැබූවන් අතර වනවා.
තුවාලකරුවන් බණ්ඩාරවෙල දිසා රෝහලටයි ඇතුලත් කර ඇත්තේ.
ඉන් තුවාලකරුවන් 7 දෙනෙකු වැඩිදුර ප්‍රතිකාර සඳහා දියතලාව මූලික රෝහලට මාරු කර යවා තිබෙනවා.
ලොරියේ තිරිංග ක්‍රියා විරහිත වීම හේතුවෙන් මාර්ගයේ පැති බැම්මක ගැටී පෙරළී ඇති බවයි වාර්තා වන්නේ.
තුවාලකරුවන් අතර කාන්තාවන් 19 දෙනෙකු සහ පිරිමි පුද්ගලයන් දෙදෙනෙකු ද වන බව සඳහන්.
