හොරොව්පොතාන පොලිස් වසමේ රැලපනාව අතුරු මාර්ගයේ දී සිදුවු රිය අනතුරකින් කුඩා දරුවෙකු ජීවිතක්ෂයට පත්ව තිබේ.
රැලපනාව පාසල ඉදිරිපිට දී රැලපනාව දෙසට ධාවනය වූ ත්රීරෝද රථයක් රියදුරුව සිටි කාන්තාවට පාලනය කරගත නොහැකිව මාර්ගයේ පෙරළී අනතුර සිදුව ඇත.
පොලීසිය පැවසුවේ අනතුරින් පිටුපස ගමන්ගත් කුඩා දරුවෙකු බරපතළ තුවාල ලබා හොරොව්පොතාන රෝහලට ඇතුළත් කිරීමෙන් පසු වැඩිපුර ප්රතිකාර සඳහා අනුරාධපුර රෝහලට ඇතුළත් කිරීමෙන් පසු මියගොස් ඇති බවය.
එලෙස මියගොස් ඇත්තේ, අවුරුදු එකහමාරක එම ප්රදේශයේ ම පදිංචිව සිටි කුඩා දරුවෙකි.
මෘත ශරීරය අනුරාධපුර රෝහලේ තැන්පත් කර ඇත.
ත්රීරෝද රථය පැදවු කාන්තාවගේ අපරික්ෂාකාරී හා නොසැලකිලිමත් රිය ධාවනය හේතුවෙන් එම අනතුර සිදුව තිබේ.
හොරොව්පොතාන පොලීසිය වැඩිදුර විමර්ශන සිදුකරයි.
