කීරි සම්බා සහල් සඳහා පනවා ඇති උපරිම සිල්ලර මිල වෙනස් කර ඇති බවට පළවන වාර්තා අසත්ය බව පාරිභෝගික කටයුතු පිළිබඳ අධිකාරිය පවසනවා.
නිවේනදයක් නිකුත් කරමින් පාරිභෝගික කටයුතු පිළිබඳ අධිකාරිය ඊයේ (07) මේ බව සඳහන් කර සිටියා.
එම අධිකාරිය පැවසුවේ පසුගිය 02 වනදා නිකුත් කර ඇති ඇති අංක 2278/02 දරණ ගැසට් නිවේදනයට අනුව කිරී සම්බා සඳහා පනවා ඇති උපරිම සිල්ලර මිල රුපියල් 260.00ක් බවයි.
උපරිම සිල්ලර මිලේ වෙනස් සිදුකර නොමැති බවත්, එලෙස පළවන වාර්තාවල කිසිඳු සත්යතාවයක් නොමැති බවත් එම අධිකාරිය අදාළ නිවේදනය මඟින් වැඩිදුරටත් දැනුම් දෙනවා.
