කිසිඳු ආකාරයක මාධ්ය මර්ධනයක් ක්රියාත්මක නොමැති බව සෞඛ්ය හා ජනමාධ්ය අමාත්ය නලින්ද ජයතිස්ස පවසනවා.
මාධ්ය වෙත අදහස් දක්වමින් නලින්ද ජයතිස්ස අමාත්යවරයා පැවසුවේ සමාජ මාධ්ය, මුද්රිත මාධ්ය හා ඉලෙක්ට්රිනික් මාධ්යවලට වුවමනා තරම් ආණ්ඩුව විවේචනය කර ආණ්ඩුවේ අඩුපාඩුකම් පෙන්වා දිය හැකි බවයි.
කෙසේ වෙතත් ඇතැම් මාධ්ය නාළිකා සහ ඇතැම් සමාජ මාධ්ය කණ්ඩායම් විකෘති සහ බොරු පුවත් නිර්මාණය කරමින් ආපදාවෙන් රට ගොඩඒමේ ක්රියාවලියට බාධා පමුණුවමින් සිටින බවයි ඔහු පැවසුවේ.
ඊට අමතරව එම නාළිකා සහ ඇතැම් සමාජ මාධ්ය කණ්ඩායම් සෞඛ්ය ක්ෂේත්ර පිළිබඳව අවිශ්වාසයක් ඇති කිරීමට සහ රටේ ජාතික ආරක්ෂාවට තර්ජනය එල්ලවන ආකාරයේ පුවත් ප්රචාරය කරමින් සිටින බවයි අමාත්යවරයා සඳහන් කළේ.
එවැනි අවස්ථාවල දී රට තුළ පවතින සාමාන්ය නීතිය අනුව කටයුතු කිරීමට රජය බැඳී සිටින බවයි ඔහු අවධාරණය කළේ.
වැඩිදුරටත් අදහස් දක්වමින් අමාත්යවරයා පැවසුවේ එවැනි ආකාරයේ දුස්මත, විකෘතිමත ප්රචාරය කරනු ලබන මාධ්ය ආයතනවලට එරෙහිව නීතිය ක්රියාත්මක නොකරන්නේ මන්ද යන්න මහජනතාව ආණ්ඩුවෙන් විමසා සිටින බවයි.
කෙසේ වෙතත් එවැනි විකෘති පුවත් නිර්මාණය වූ පසු, ආණ්ඩුව ඉතා සංයමයෙන් ඒවා නිවැරදි කරගැනීමට මැදිහත්ව කටයුතු කරන බව සඳහන් කළ අමාත්යවරයා මාධ්ය මර්ධනය කිරීමට වුවමනාවක් නොමැති බවයි පැවසුවේ.
An artificial out of stock situation created for the inhaler seretide 250 and later made available at with a price increase 1500/- to 2300/-
ඇයි කෙලින්ම කියන්න බැරි හිරු සහ දෙරණ විසින් ගෙනියන ජඩ මාද්ය අපි වහනවා කියලා. මංගල සමරවීර ඇමති වරයා කොච්චර මේ ගැන කෙලින් කිව්වද මතක නැද්ද රාජපක්ෂ ආණ්ඩුව කාලෙත් හිරු වහල දැම්මා. මේ මාද්ය දෙක මේ රටටම පිළිලයක්. දැන්වත් කොන්ද කෙලින් තීරණ ගන්න. ඔහොම ඇඹරෙන්න නෙමෙයි මිනිස්සු චන්දෙ දුන්නෙ එක එකාට බයෙන්.