පන්දුවාර 20 කාන්තා ක්රිකට් ලෝක කුසාලනයේ අද (08) පැවැත්වෙන තරගයේ ජයග්රහණය සඳහා ඔස්ට්රෙලියාවෙන් නවසීලන්තයට ලකුණු 149ක ඉලක්කයක් හිමිවුණා.
අද තරගය රාත්රී 7.30 ට සාජා හි දී ආරම්භ වූයේ ඔස්ට්රෙලියානු කතුන්ට කාසියේ වාසිය ද හිමිකර දෙමින්.
පළමුව පන්දුවට පහර දුන් ඔස්ට්රෙලියාව කඩුලු 08ක් දැවී ලකුණු 148ක් රැස් කළා.
ප්රවේගකාරී ඉනිමක් ක්රීඩා කළ බෙත් මූනි ලකුණු 40ක් ද, එලෙසි පෙරී ලකුණු 30ක් ද, හීලි ලකුණු 26ක් ද රැස් කරගත්තා.
කඩුලු දවා ගැනීමේ දී කිවි කණ්ඩායම වෙනුවෙන් අමෙලියා කර් කඩුලු 04ක් බිඳ දැමීමට සමත් වුණේ ලකුණු 26කටයි.
කඩුලු 02ක බැගින් Rosemary Mair ට හා Brooke Hallidayට හිමිවුණා.
මේ වනවිට ජයග්රහණය සඳහා පන්දු 120ක දී ලකුණු 149ක ඉලක්කයක් හඹා යන නවසීලන්ත කාන්තා කණ්ඩායම පන්දුවාර 11ක් ගෙවෙන මොහොතේ කඩුලු 02ක් දැවී ලකුණු 56ක් ලබා සිටිනවා.
