රුවන්වැල්ල පොලිස් බල ප්‍රදේශයේ කෑගල්ල – අවිස්සාවේල්ල මාර්ගයේ අඟුරුවැල්ල ප්‍රදේශයේ දී සිදු වූ රිය අනතුරකින් තරුණයෙකු ජීවිතක්ෂයට පත් ව තිබෙනවා.
අප වාර්තාකරු පැවසුවේ මෙම අනතුර ඊයේ (25) රාත්‍රියේ දී සිදු ව ඇත්තේ පෞද්ගලික ආයතනයක කිරි පටවාගත් බවුසරයකට යතුරුපැදියක් යටවීමෙන් බවයි.
මරණකරු 25 හැවිරිදි මොරාවත්ත ප්‍රදේශයේ පදිංචි අවිවාහකයෙක්.
බවුසර් රථය පාරෙන් ඉවතට පැන යතුරුපැදියේ මෙන් ම පාරේ අයිනක නවතා තිබූ තවත් කුඩා ලොරි රථයක ද ගැටීමෙන් එම ලොරි රථය ගුරුගොඩ ඔයට පෙරළී තිබෙනවා.
අනතුර සම්බන්ධයෙන් බවුසර් රථයේ රියදුරු අත්අඩංගුවට ගෙන ඇති අතර මරණකරුගේ මෘතදේහය කරවනැල්ල මූලික රෝහලේ තැන්පත් කර ඇති බවයි වාර්තා වන්නේ.
