අක්කරපත්තුව, පෙරියපල්ලකාඩු ප්‍රදේශයේ ගල්ඔය ගඟේ දී කිඹුලෙකු විසින් පුද්ගලයෙක් ඩැහැගෙන ගොස් එම පුද්ගලයා අතුරුදන් වී තිබෙනවා.
ඊයේ (04) දහවල් කාලයේ දී මෙලෙස කිඹුලෙකු ඩැහැගෙන ගොස් ඇත්තේ ඔළුවිල් 01 ප්‍රදේශයේ පදිංචිව සිටි වයස අවුරුදු 37ක පුද්ගලයෙක්.
අතුරුදන් වූ පුද්ගලයා තවත් පුද්ගලයෙකු සමඟ ගල්ඔය ගඟේ එගොඩ ඉවුරේ නවතා තිබූ ඔරුවක් රැගෙන ඒම සඳහා පිහිනාගෙන යමින් සිටිය දී මෙලෙස කිඹුල් ප්‍රහාරයට ලක්ව ඇති බවයි සිදුකරන ලද විමර්ශනවල දී අනාවරණය වී ඇත්තේ.
අතුරුදන් වූ පුද්ගලයා සොයා පොලිස් නිලධාරීන්, නාවික හමුදා කිමිදුම් කණ්ඩායමක්, සමන්තුර වනජීවි නිලධාරීන් හා ප්‍රදේශවාසීන් එක්ව මෙහෙයුමක් දියත් කර ඇති අතර අක්කරපත්තුව පොලිසිය වැඩිදුර විමර්ශන සිදුකරනු ලබනවා.
