ත්රිකුණාමල දිස්ත්රික්කයේ කින්නියා ප්රාදේශීය ලේකම් කොට්ඨාසයේ පුද්ගලයින් ලක්ෂයකට පමණ සිය ගමනාගමන සහ ව්යාපාර කටයුතු පහසු කරවන කුරින්චකර්නි පාලමේ ඉදිකිරීමේ කටයුතු නැවත ආරම්භ කර තිබෙනවා.
මුදල් අමාත්යාංශය නිවේදනය කළේ එම පාලම ඉදිකිරීමේ කටයුතු සඳහා අමෙරිකානු ඩොලර් මිලියන 10.5ක මුදලක් වෙන් කර ඇති බවයි.
පේරාදෙණිය – බදුල්ල – චෙංකලඩි මාර්ග සංවර්ධන ව්යාපෘතියේ ඉතිරි මුදල් මේ සඳහා යෙදවීමට අදාළ සංශෝධිත ගිවිසුමට අත්සන් තැබීම මුදල් අමාත්යාංශයේ ලේකම් මහින්ද සිරිවර්ධන මහතා සහ සෞදි සංවර්ධන අරමුදලේ අධ්යක්ෂ (නීති) අබ්දුල් මොසෙන් මහතාගේ ප්රධානත්වයෙන් සිදු කෙරුණා.
