කැළණිවැලි දුම්රිය මාර්ගයේ ප්රවේශ අයිතිය තුළ පදිංචි අනවසර පවුල් නැවත පදිංචි කිරීමේ වැඩසටහන යටතේ නාවින්නේ සිට පාදුක්ක දක්වා දුම්රිය රක්ෂිතයේ අනවසරයෙන් පදිංචිව සිටි පවුල් නැවත පදිංචි කිරීම වෙනුවෙන් ඉදිකරන ලද කොට්ටාව, මාලපල්ල, ‘පර්ල් සිටි රෙසිඩන්සීස්’ නිවාස සංකීර්ණය නිල වශයෙන් ජනතා අයිතියට පත්කිරීම සහ නිවාසවලට අදාළ හිමිකම් පත්ර ප්රදානය කිරීම අද (06) දිනයේ සිදු කෙරුණා.
ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායකගේ ප්රධානත්වයෙන් පැවති මෙම උත්සවයේ දී ඉඩම් සහ නිවාස අහිමි වූ පවුල් ඒකක 116ක් සඳහා හිමිකම් පත්ර ලබාදීම මෙහිදී සිදුකරනු ලැබුවා.
ආසියානු සංවර්ධන බැංකුවේ මූල්ය දායකත්වයෙන් ඉදිකරන ලද මෙම නිවාස සංකීර්ණය මහල් 12 කින්, නිවාස ඒකක 120 කින් සමන්විත අතර, ව්යාපෘතියේ ඉදිකිරීම් පිරිවැය රුපියල් මිලියන 2,175ක්.
මෙහිදී අදහස් දැක්වූ අමාත්ය බිමල් රත්නායක සඳහන් කළේ පොදු මගී ප්රවාහන සේවාව කාර්යක්ෂම කිරීමට අදාල රජයේ වැඩපිළිවෙල ක්රමානුකූලව සිදු කෙරෙමින් පවතින බවයි.
කැළණිවැලි දුම්රිය මාර්ගය ද්විත්ව මාර්ගයක් ලෙස සංවර්ධනය කර ජනතාවට කාර්යක්ෂම හා ආරක්ෂිත දුම්රිය ගමනා ගමනයක් ලබාදීමට ඉදිරියේ දී කටයුතු කරන බවයි අමාත්යවරයා සඳහන් කළේ.
එමෙන්ම මෙම දුම්රිය මාර්ගය රත්නපුරය දක්වා දීර්ඝ කිරීමට අයවැය මගින් ප්රතිපාදන වෙන්කර දී ඇති බවත් ඔහු මෙහිදී පැවසුවා.
