තවත් කැබිනට් අමාත්‍යවරුන් කිහිපදෙනෙකු අද (03) දිනයේ දී ජනාධිපති රනිල් වික්‍රමසිංහ ඉදිරියේ දිවුරුම් දීමට නියමිත බව වාර්තා වනවා.
ඒ අනුව මන්ත්‍රීවරුන් දස දෙනෙකු කැබිනට් අමාත්‍ය ධුරවල දිවුරුම් දීමට නියමිත බවයි දේශපාලන ආරංචි මාර්ග සඳහන් කළේ.
මේ වන විට පවතින කැබිනට් මණ්ඩලය තුළ අමාත්‍යවරුන් 18 දෙනෙක් සිටින අතර, අද (03) දිනයේ දී දිවුරුම් දීමට නියමිත නව අමාත්‍යවරුන් දසදෙනා සමඟ එය 28ක් දක්වා ඉහළ යනවා.
රනිල් වික්‍රමසිංහ ජනධිපති ධුරයට පත්වීමත් සමඟ පිහිටවූ අන්තර්කාලීන රජයේ අමාත්‍ය මණ්ඩලය දිවුරුම් දුන්නේ පසුගිය ජුලි මස 22 වනදායි.
