දෙල්තොට, හේවාහැට මාර්ගයේ නාරංහින්න ප්රදේශයේ දී ගලහ දෙසට ධාවනය වූ කැබ් රථයක් ප්රාපතයකට පෙරළී තිබේ.
පොලීසිය සඳහන් කර ඇත්තේ ඊයේ (14) සවස එම අනතුර සිදුව ඇති බවය.
කැබ් රථයේ රියදුරුට පාලනය කරගත නොහැකිව මාර්ගයෙන් ඉවතට පැන මීටර් 1200ක් පමණ ප්රපාතයට පෙරළීමෙන් අනතුර සිදුව ඇත.
අනතුරින් කැබ් රථයේ රියදුරු සහ ඔහු සමග පැමිණි තවත් පුද්ගලයෙක් බරපතළ තුවාල ලබා පේරාදෙණිය රෝහලට ඇතුළත් කිරීමේ දී මියගොස් තිබේ.
දුරකථන කුළුනක නඩත්තු කටයුත්තක් සඳහා මොවුන් පැමිණ නැවත ගමන් කරමින් සිටිය දී එම අනතුර සිදුව ඇතැයි අනාවරණය වී ඇත.
මියගිය පුද්ගලයින් වයස අවුරුදු 35ක් හා 64ක් වන ගුන්නාපාන හා ගම්පොළ ප්රදේශවල පදිංචිකරුවන්ය.
මෘත ශරීර පේරාදෙණිය රෝහලේ තැන්පත් කර ඇත.
කැබ් රථ රියදුරුගේ නොසැලකිලිමත් හා අපරීක්ෂාකාරී රිය ධාවනය හේතුවෙන් එම අනතුර සිදුව ඇතැයි අනාවරණය වී තිබේ.
ගලහ පොලීසිය වැඩිදුර විමර්ශන සිදුකරයි.
