කැනඩාවේ ඔටාවා හිදී ඝාතනයට ලක් වූ ශ්රී ලාංකිකයන්ගේ අවසන් කටයුතු ඔටාවා හි බෞද්ධ විහාරස්ථානය මඟින් සිදුකිරීමට නියමිත බව වාර්තා වනවා.
මේ වනවිට බරපතල තුවාල ලබා රෝහල් ගතව ප්රතිකාර ලබන ධනුෂ්ක වික්රමසිංහගේ අවසරය මත, මියගිය ඔහුගේ පවුලේ අයගේ අවසන් කටයුතු මෙලෙස ප්රදේශයේ බෞද්ධ විහාරස්ථානය මඟින් සිදුකිරීමට නියමිතයි.
ඔටාවා අගනුවර අසන්න බාර්හෙවන් ප්රදේශයේ නිවසක් තුළ පසුගිය බදාදා රාත්රීයේ දී තවත් ශ්රී ලාංකික තරුණයෙක් විසින් එකම පවුලේ සාමාජිකයින් පස්දෙනෙකු ඇතුළු ශ්රී ලාංකිකයින් 06 දෙනෙකු සාහසික ලෙස ඝාතනය කර තිබුණා.
ෆ්රෑන්ක් ද සොයිසා නැමැති 19 හැවිරිදි වියේ පසු වූ තරුණයෙක් විසිනුයි මෙම ඝාතනය සිදුකර තිබුණේ.
මේ අතර මියගිය පුද්ගලයින්ගේ පශ්චාත් මරණ පරීක්ෂණයවලින් පසුව සිදුකරන අවමංගල්ය කටයුතු සඳහා ඔවුන්ගේ ඥාතීන් ශ්රී ලංකාවේ සිට පැමිණෙන බව ඔටාවා නුවර ශ්රී ලංකා මහකොමසාරිස් කාර්යාලය සඳහන් කළා.
