අගමැති ජස්ටින් ටෘඩෝගේ රජය, එක්සත් ජනපදය සහ යුරෝපා සංගමය විසින් ගනු ලබන ක්රියාමාර්ග සමඟ කැනඩාව පෙළගැස්වීම සඳහා චීනයේ නිෂ්පාදිත විද්යුත් වාහන (EVs) සඳහා නව තීරුබදු පැනවීමට සැලසුම් සකස් කරමින් සිටින බව සමීප ආරංචි මාර්ග උපුටා දක්වමින් බ්ලූම්බර්ග් වාර්තා කරනවා.
බදු පැනවීම සම්බන්ධයෙන් කැනඩා රජය අවසන් තීරණයක් ගෙන නැතත් මහජන උපදේශන කඩිනමින් ආරම්භ වනු ඇතැයි සඳහන්.
එක්සත් ජනපද ජනාධිපති ජෝ බයිඩන්ගේ පරිපාලනයේ නායකත්වය අනුගමනය කරන ලෙස දේශීය හා විදේශීය පීඩනයට ලක්ව සිටින ටෘඩෝ, චීනය විසින් නිෂ්පාදනය කරන ලද EV සඳහා හතර ගුණයකට ආසන්න තීරුබදු, එනම් සියයට 102.5ක අනුපාතයක් දක්වා වැඩි කිරීමේ සැලැස්මක් මැයි මාසයේ දී නිවේදනය කළා
යුරෝපීය සංගමය පසුගිය සතියේ ප්රකාශ කළේ චීන EV සඳහා තීරු බදු වැඩිකිරීමට සැලසුම් කර ඇති අතර, එම බදු ඇතැම් වාහන සඳහා සියයට 48 දක්වා ඉහළ නැංවීමට සැලසුම් කර ඇති බවයි.
බටහිර ප්රජාතන්ත්රවා දී රටවල් චීනයේ ප්රධාන භාණ්ඩ අධික ලෙස නිෂ්පාදනය කිරීම ගැන වැඩි වැඩියෙන් සැලකිලිමත් වන අතර, එය සැපයුම් දාමයේ ආධිපත්යය දැරීමට සහ ඔවුන්ගේම කර්මාන්ත යටපත් කිරීමේ උත්සාහයක් ලෙස සලකනවා.
කැනඩාවේ දත්තවලට අනුව, කැනඩාව විසින් ආනයනය කරන ලද චීන EV වල වටිනාකම 2023 දී කැනේඩියානු ඩොලර් බිලියන 2.2 දක්වා ඉහළ ගොස් තිබෙනවා
