ලංකා ප්‍රීමියර් ලීග් තරගාවලියේ අද (09) පැවැත්වෙන 11 වැනි තරගයේ කාසියේ වාසිය කැන්ඩි ෆැල්කන්ස් කණ්ඩායම දිනා ගත්තා.
දඹුල්ල ජාත්‍යන්තර ක්‍රීඩාංගණයේ දී පැවැත්වෙන මෙම තරගයේ කාසියේ වාසිය පස්වරු 2.30ට උරගා බැලුණු අතර; එහිදී එය ජයග්‍රහණය කිරීමට කැන්ඩි නායක වනිඳු හසරංග සමත් වුණා.
ඒ අනුව වනිඳු තීරණය කළේ පළමු ව පන්දුවට පහරදීම සඳහා ජැෆ්නා කින්ග්ස් කණ්ඩායමට ආරාධනා කිරීමටයි.
වනිඳුගේ ඇරයුමෙන් චරිත් අසලංක ප්‍රමුඛ ජැෆ්නාවරුන් පළමු ව අභියෝගාත්මක ලකුණු පුවරුව නිර්මාණය කරනු ඇති.
මේ වනවිට තරගාවලියේ පැවති තරග 04න් තුනක් ම ජයගනිමින් ජැෆ්නා කණ්ඩායම ප්‍රසාද ලකුණු පුවරුවේ රැඳී සිටින්නේ පළමු ස්ථානයේ වන අතර පැවති තරග 04න් 01ක් පමණක් ජය ගත් ෆැල්කන්වරුන් ප්‍රසාද ලකුණු සටහනේ අවසානයේ රැඳී සිටිනවා.
ඒ නිසා අද තරගයේ ජයග්‍රහණය වනිඳු ප්‍රමුඛ කැන්ඩිවරුන්ට අතිශය තීරණාත්මක වනු ඇති.
