පාකිස්ථාන පාලනය යටතේ පවතින කාශ්මීර ප්‍රදේශයේ ජංගම දත්ත සහ Broadband අන්තර්ජාල සේවා සඳහා පනවා ඇති සීමා දින 100 ඉක්මවා පවතින බව අන්තර්ජාල බාධා නිරීක්ෂණය කරන ස්වාධීන ආයතනයක් වන NetBlocks වාර්තා කරනවා.
මැතිවරණ ප්‍රතිසංස්කරණ සහ දේශපාලන නියෝජනය සම්බන්ධයෙන් විරෝධතා ආරම්භවීමත් සමඟ ජුනි 5 වැනිදා සිට ජංගම දත්ත සහ Broadband සේවා අත්හිටුවීමට පියවර ගත් බවයි එහි සඳහන් වන්නේ.
පසුව අදියර තුනක් යටතේ ප්‍රාදේශීය මැතිවරණ පැවැත්වූ අතර අවසන් අදියර අගෝස්තු 10 වැනිදා අවසන් වුණා. නව පාලනයක් පිහිටුවා තිබුණද අන්තර්ජාල සීමා තවදුරටත් පවතින බව වාර්තාව පවසනවා.
ඒ හේතුවෙන් Online Banking සේවා, ව්‍යාපාරික කටයුතු සහ අධ්‍යාපන ක්‍රියාකාරකම් දැඩි ලෙස බලපෑමට ලක්ව ඇති අතර, ඇතැම් ප්‍රවේශ විභාග කල් දැමීමට ද සිදුව ඇති බව සඳහන්.
