එප්පාවල, කටියාව ප්රදේශයේ පදිංචිව සිටි 34 හැවිරිදි කායවර්ධන ශිල්පියෙකුගේ සැක සහිත මරණය සම්බන්ධයෙන් පොලිසිය විමර්ශනයක් ආරම්භකර තිබෙනවා.
පසුගිය 10 වනදා පස්වරුවේ මෙම පුදගලයා සිය නිවස ඉදිරිපිට වැටී සිටිය දී ඔහුගේ බාල සොහොයුරා විසින් ඔහුව කටියාව – යාය 09 ප්රාදේශීය රෝහලට ඇතුළත් කර ඇති බව සඳහන්.
පසුව ඔහු වැඩිදුර ප්රතිකාර සඳහා අනුරාධපුර ශීක්ෂණ රෝහලට මාරුකර යවා ඇති අතර, එම රෝහලේ දැඩිසත්කාර ඒ්කකයේ ප්රතිකාර ලබමින් සිටිය දී පෙරේදා (15) දිනයේ ජීවිතක්ෂයට පත්ව තිබෙනවා.
මොහුගේ මෙම මරණය සැලවීමත් සමඟ ඔහුගේ පියා ද සිත් තැවුලට පත්ව වස පානය කර අනුරාධපුර ශික්ෂණ රෝහලේ මේ වන විට ප්රතිකාර ලබන බවයි වාර්තා වුණේ.
මෙම කායවර්ධන ශිල්පියා රෝහල් ගත කිරීමට පෙර බීමතින් පැමිණ නිවස අසල කෑකෝ ගසා ඇති බවයි අනාවරණය වී ඇත්තේ.
කෙසේ වෙතත් මෙම පුද්ගලයාට කොසිවෙකු හෝ සිදුකළ පහරදීමකින් මිය ගියා ද, ශරීරය වර්ධනය කරගැනීම සඳහා ඔහු භාවිත කළ උත්තේජකවල ප්රථිඵලයක් මත මෙම මරණය සිදුවූවා ද, නැතහොත් වෙනත් රෝගී තත්ත්වයක් නිසා මරණය සිදුවූයේ ද යන්න සම්බන්ධයෙන් ප්රියංකරගම පොලිසිය විමර්ශන ආරම්භ කර තිබෙනවා.
ජීවිතක්ෂයට පත් වූ දෙදරු පියෙක් වූ මෙම කායවරධන ශිල්පියාගේ මරණය සම්බන්ධයෙන් හදිසි මරණ පරීක්ෂණය අද (17) දිනයේ සිදු කිරීමට නියමිතයි.
