කාම්බෝජය පැරදූ ශ්‍රී ලංකාවට විශිෂ්ට පාපන්දු ජයක්

ශ්‍රී ලංකා පාපන්දු කණ්ඩායමට විශිෂ්ට ජයක් හිමි ව තිබෙනවා.

ඒ 2027 ආසියානු කුසලාන පාපන්දු තරගාවලියට සුදුසුකම් ලැබීමේ තරග වටයේ කාම්බෝජයට එරෙහිව පැවති දෙවැනි තරගය ද ශ්‍රී ලංකා කණ්ඩායම ජය ගැනීමෙන්.

ශ්‍රී ලංකා කණ්ඩායම එම තරගය දඬුවම් පහර 4-2ක් ලෙස ජය ගත්තා.

තරගයේ පළමු අර්ධය අවසන් වනවිට ශ්‍රී ලංකාව ගෝල 1-0ක් ලෙස පෙරමුණ ගෙන සිටියා.

දෙවැනි අර්ධයේ දී මෙන් ම තරග නීතිරීති මත දුන් අමතර කාලයේ දී ගෝල 2-1ක් ලෙස ලබා කාම්බෝජය පෙරමුණෙහි පසුවුණා.

අතිරේක කාලය අවසන් වීමට තිබූ අවසන් විනාඩියේ දී ශ්‍රී ලංකා කණ්ඩායම විශිෂ්ට ගෝලයක් ලබාගනිමින් ගෝල 2-2ක් ලෙස සම මටම්මට පත් කරගත්තා.

ඉන් පසුව දඬුවම් පහරක් මගින් ශ්‍රී ලංකාව ගෝල 4-2ක් ලෙස සිය ජයග්‍රහණය තහවුරු කළා.