මෙවර එක්දින ලෝක කුසලාන තරගාවලියේ සාර්ථකම කණ්ඩායම බවට පත් වූ ඇෆ්ගනිස්ථාන කණ්ඩායම ලෝක කුසලාන ගමන නිමා කරමින් ඊයේ (12) සිය මව්බිම වෙත පැමිණියා.
කාබුල් ගුවන් තොටුපොළෙන් මව්බිමට පැමිණි ඇෆ්ගනිස්ථාන ක්රිකට් ක්රීඩකයින්ට එහිදී උණුසුම් පිළිගැනීමක් හිමි වුණා.
එහිදී ඔවුන් පිළිගැනීම වෙනුවෙන් එරට ක්රිකට් පාලක මණ්ඩලය විසින් චාම් උත්සවයක් ද සංවිධානය කර තිබූ බවයි වාර්තා වුණේ.
මව්බිමට පැමිණි ඇෆ්ගනිස්ථාන ක්රිකට් ක්රීඩකයින්ට මල් ඉසිමින් පිළිගැනීමට තලේබාන් පාලනය සහ ඇෆ්ගනිස්ථාන ක්රිකට් ආයතනය කටයුතු කළ ආකාරය මෙහිදී දැකගත හැකි වුණා.
මේ වනවිට තලේබාන් පාලනය යටතේ පවතින ඇෆ්ගනිස්ථානය ක්රිකට් ක්රීඩාව ඉදිරියට කරගෙන යන්නේ දැඩි අපහසුතා මාධ්යයේ බව ලොවම දන්නා කරුණක්.
එවැනි තත්ත්වයක ඇෆ්ගනිස්ථාන, තරගාවලියේ ප්රසාද ලකුණු සටහනේ 06 වන ස්ථානයේ රැඳී සිටිමින් මෙවර ක්රිකට් ලෝක කුසලාන ගමන අවසන් කළ අතර, එහිදී ශ්රී ලංකාව, එංගලන්තය, පාකිස්ථාන වැනි ප්රබල රටවල් ඔවුන් ඉදිරියේ පරාජයට පත් වුණා.
