ICC කාන්තා චැම්පියන්ස් කුසලානයේ සත්කාරකත්වය ශ්රී ලංකාවට අහිමි වීම සම්බන්ධයෙන් ශ්රී ලංකා පොදුජන පෙරමුණේ පාර්ලිමේන්තු මන්ත්රී සහ හිටපු ක්රීඩා අමාත්ය නාමල් රාජපක්ෂ රජයට දෝෂාරෝපණය කරනවා.
මන්ත්රීවරයා පවසන්නේ තරගාවලියේ සත්කාරකත්වය අහිමිවීම මෙරට කාන්තා ක්රිකට් ක්රීඩිකාවන්ට අවසානයේ වන්දි ගෙවීමට සිදුවිය හැකි බවයි.
තරගාවලිය අහිමිවීම වීම හුදෙක් ජාත්යන්තර ඉසව්වක් අහිමි වීම පමණක් නොව, ශ්රී ලංකා ක්රිකට් සඳහා අවස්ථා, ආදායම සහ ජාත්යන්තර නිරාවරණය ද අහිමිවන බවයි මන්ත්රීවරයා පවසන්නේ.
“දේශපාලනඥයින්, පරිපාලකයින් සහ ආයතන ක්රීඩාවට වඩා ආත්මාර්ථකාමිත්වය, බලය සහ පුද්ගලික න්යාය පත්රවලට මුල් තැන දෙන විට, දුක් විඳින්නේ ඔවුන් නොවේ. එය ක්රීඩක ක්රීඩිකාවන්ය,” යනුවෙන් නාමල් රාජපක්ෂ මන්ත්රීවරයා සමාජ මාධ්ය ප්රකාශයක් නිකුත් කරමින් පවසනවා.
දේශපාලනය ක්රීඩාව ශක්තිමත් කිරීම සහ ක්රීඩක ක්රීඩිකාවන් ආරක්ෂා කිරීම සඳහා ඵලදායී කාර්යභාරයක් ඉටු කළ හැකි බවත්, පාලනය හෝ පුද්ගලික න්යාය පත්ර සඳහා ක්රීඩා පරිපාලනයට මැදිහත් නොවිය යුතු බවත් ඔහු පෙන්වා දෙනවා.
භාරකරුවන් අතර ඇති වන ආරවුල් හේතුවෙන් ශ්රී ලංකාවට තම ක්රීඩක ක්රීඩිකාවන්ට ඇති අවස්ථා අහිමි කර ගැනීමට නොහැකි බවයි මන්ත්රීවරයා වැඩිදුරටත් පෙන්වා දෙන්නේ.
