මතුගම ලෙව්වන්දූව ශ්රී ජිනේන්ද්රාරාම විහාරස්ථානයේ ස්වාමීන් වහන්සේ නමක් දැනට මාසයකට පමණ පෙර එම ප්රදේශයේම කාන්තාවන් තිදෙනකු විනෝද චාරිකාවකට සහභාගී උනේ යැයි පවසා එම විහාරස්ථානයේ දායක දායිකාවන් එම ස්වාමීන් වහන්සේට දැඩි විරෝධය පා උන්වහන්සේ වැඩසිටි ජිනේන්ද්රාරාම විහාරස්ථානයෙන් පිටුවහල් කරන ලදී.
නමුත් අද (11) අලුයම් කාලයේ එම විහාරස්ථානයේ වැඩ සිටි එම සිද්ධියට සම්බන්ධ ගලහිටියාගොඩ ධම්මකිත්ති ස්වාමීන් වහන්සේ සහ තවත් ස්වාමීන් වහන්සේලා දෙනමක් සහ තවත් පිරිමි පුද්ගලයින් කිහිපදෙනකු සමඟ විහාරස්ථානයට හොර රහසේම ඇතුළු වී ඇති බවට විහාරස්ථානයේ දායක දායිකාවන් අනාවරණය කර ගැනීමෙන් අනතුරුව විහාරස්ථානයට පමණ ඇති ඔවුන් ස්වාමීන් වහන්සේලා සහ අනෙකුත් පිරිස සමඟ ගැටුමක් ඇතිකරගෙන තිබෙනවා.
මෙම ගැටුමෙන් ස්වාමීන් වහන්සේලා තුන් නමක් වෑත්තෑව රෝහලට ඇතුළත් කර ඇති අතර, ප්රදේශවාසීන් කිහිප දෙනෙක්ද රෝහල් ගතව ඇති බව සඳහන්.
මෙම සිද්ධිය සමථයකට පත් කිරීම සඳහා වැලිපැන්න පොලිසිය සහ විශේෂ කාර්ය බළකාය මහත් උත්සාහයක් දරා ඇති අතර, අවසානයේදී විහාරස්ථානයේ සැඟව සිටි ගලහිටියාගොඩ ධම්මකිත්ති හිමියන් වැලිපැන්න පොලිසියේ මැදිහත්වීම මත විහාරස්ථානයෙන් පිටත් කරවීමට කටයුතු කර තිබෙනවා.
