අතුරුගිරිය ප්රදේශයේ ටැටූ මධ්යස්ථානයක් තුළ දී වෙඩි තබා ඝාතනය කළ ව්යාපාරික සුරේන්ද්ර වසන්ත පෙරේරා හෙවත් ක්ලබ් වසන්තගේ දේහය මේ වනවිට කොළඹ, බොරැල්ල ප්රදේශයේ ප්රසිද්ධ පෞද්ගලික මල්ශාලාවක තැන්පත්කර තිබෙනවා.
ක්ලබ් වසන්තගේ දේහය තැන්පත්කර ඇති එම පෞද්ගලික මල්ශාලාවට දෙවැනි තර්ජන්ත්මක දුරකථන ඇමතුමත් ලැබී ඇති බව මේ වනවිට තොරතුරු වාර්තා වනවා.
එම ඇමතුමෙන් යළිත් වරක් පවසා ඇත්තේ වසන්තගේ දේහය මහජන ප්රදර්ශනය සඳහා මල්ශාලාව තුළ තබා නොගන්නා ලෙසයි.
කංජිපානි ඉම්රාන් ලබාදුන් දැනුම්දීම වසන්තගේ පවුලේ ඥාතීන්ට දැනුම් දුන්නේ ද යන්න බව එම දුරකථන ඇමතුමෙන් පවසා ඇති බවයි පොලිස් ආරංචි මාර්ග සඳහන් කරන්නේ.
මේ අතර පසුගිය 10 වන දින එම මල්ශාලාවට තර්ජනාත්මක පළමු ඇමතුම ලබාදෙමින් පවසා ඇත්තේ වසන්තගේ දේහය එහි තබා නොගන්නා ලෙසයි.
එම ඇමතුම විදෙස් රටක සිට ලබා දී ඇති බවට පොලිසිය මේ වනවිට අනාවරණය කර ගෙන තිබෙනවා.
මෙම ඇමතුමත් සමඟ එම මල්ශාලාව පිහිටි ප්රදේශය අවට ආරක්ෂාව තරකර තිබූ ආකාරය දැකගත හැකි වුණා.
මේ අතර ඝාතනයට ලක් වූ සුරේන්ද්ර වසන්ත පෙරේරා හෙවත් ක්ලබ් වසන්තගේ දේහය පිළිබද අවසන් කටයුතු අද (13) පස්වරුවේ සිදුකිරීමට නියමිතව තිබෙනවා.
පසුගිය 08 වනදා ව්යාපාරික සුරේන්ද්ර වසන්ත පෙරේරා හෙවත් ක්ලබ් වසන්ත ඔහුගේ බිරිඳ සහ ජනප්රිය ගායිකා කේ.සුජීවා ඇතුළු පිරිසක් අතුරුගිරිය ප්රදේශයේ ටැටූ මධ්යස්ථානයක් විවෘත කිරීමට උත්සවයට සහභාගී වී සිටි අවස්ථාවේ දී නාඳුනන පුද්ගලයන් දෙදෙනෙකු T56 ගිනි අවි දෙකකින් වෙඩි තබා පළාගොස් තිබුණා.
මෙම වෙඩි තැබීමෙන් වසන්ත ඇතුළු දෙදෙනෙක් ජීවිතක්ෂයට පත්ව තවත් සිව්දෙනෙක් තුවාල ලැබුවා.
