පාසල් ක්‍රිකට් සංවර්ධනයට රුපියල් බිලියන 1.5ක් වෙන් කිරීමට නව අයවැයෙන් යෝජනා කර තිබෙනවා.
රටේ ක්‍රිකට් මේ වනවිට දැඩි අර්බුදයකට පත් ව ඇති පසුබිමකයි ජනාධිපතිවරයා මේ තීරණය ප්‍රකාශයට පත් කර ඇත්තේ.
මීට අමතර ව 2024 අයවැයෙන් ආගමික ප්‍රතිසංස්කරණ ඇති කිරීමට ද අවධානය යොමු ව තිබෙනවා.
මහා විහාරය කේන්ද්‍ර කරගනිමින්; විශ්වවිද්‍යාලයක් ඉදිකිරීමට කළ යෝජනාවේ මූලික කටයුතු වෙනුවෙන් රුපියල් මිලියන 450ක් වෙන් කර ඇති බවයි වාර්තා වන්නේ.
මහනුවර බෞද්ධ ශිෂ්ටාචාර කෞතුකාගාරයක් ස්ථාපිත කිරීමට ද රුපියල් මිලියන 200ක් වෙන් කෙරුණා.
මීට අමතර ව නාගරික ආර්ථික දියුණුව වෙනුවෙන් බණ්ඩාරවෙල ආර්ථික මධ්‍යස්ථානයක් ඉදිකිරීමට රුපියල් මිලියන 250ක් වෙන් කර තිබෙනවා.
අතුරුදන් වූවන් වෙනුවෙන් වන්දි ගෙවීම කඩිනම් කිරීම සඳහා තවත් රුපියල් මිලියන 1000ක් මෙවර අයවැයෙන් යෝජනා කෙරුණා.
පහළ මල්වතු ඔය ව්‍යාපෘතිය සඳහා මිලියන 2500ක් ද, පූනරීන් සංවර්ධන ව්‍යාපෘතියක් සඳහා රුපියල් මිලියන 500ක් ද, යාපනයේ පවතින පානීය ජල ගැටලුව නිරාකරණය සඳහා ජල ව්‍යාපෘතියක් ද ගොඩනැගීමට යෝජනා වී තිබෙනවා.
කාන්තාවන් සවිබල ගැන්වීම සඳහා නීති හඳුන්වාදෙන බවයි ජනපතිවරයා පැවසුවේ.
ස්ත්‍රී පුරුෂ සමාජභාවය මත පදනම් වූ නීති හඳුන්වාදීමට කටයුතු කිරීමට යෝජනාවක් ඉදිරිපත් ව ඇති අතර;
වතු ඉඩම්වල නිවාස සංකීර්ණ සහ නව වෙළෙඳ සංකීර්ණ ඉදිකිරීමට ද කටයුතු කෙරෙනු ඇති.
කොළඹ වතු ජනතාවගේ ජීවන තත්ත්වය වැඩි කිරීම සඳහා නව වැඩසටහනක් ඇරඹීමටයි 2024 අයවැයෙන් යෝජනා වී ඇත්තේ.
