ක්‍රිකට් තරගයේ ආරවුල දෙදරු පියාගේ මරණයෙන් කෙළවර වෙයි (ඡායාරූප)

නොරොච්චෝලේ, නිර්මලපුර ප්‍රදේශයේ දී ඊයේ (30) රාත්‍රියේ තියුණු ආයුධයකින් පහර දී පුද්ගලයෙකු ඝාතනය කර තිබෙනවා.

මෙලෙස ඝාතනයට ලක්ව ඇත්තේ වයස අවුරුදු 32ක දෙදරු පියෙක් බවයි වාර්තා වන්නේ.

ඊයේ (30) උදෑසන පැවති ක්‍රිකට් තරගයක් අතර තුර ඇති වූ බහින් බස්වීමක් දුරදිග යාමෙන් ඊයේ රාත්‍රියේ මෙම අපරාධය සිදුකර ඇති බවයි පොලිසිය සඳහන් කළේ.

අපරාධයට සම්බන්ධ සැකකරුවන් සිව්දෙනෙක් අතරින් දෙදෙනෙකු නොරොච්චෝලේ පොලිසිය විසින් අත්අඩංගුවට ගෙන තිබෙනවා.