කළු ගඟේ ඉහළ ජල පෝෂක ප්රදේශවලට ඊයේ (27) රාත්රියේ පතිත වූ අධික වර්ෂාව හේතුවෙන් රත්නපුර දිස්ත්රික්කයේ ප්රාදේශීය ලේකම් කොට්ඨාස රැසකට අද (28) දිනයේ ගංවතුර අවධානමක් පවතින බව වාරිමාර්ග දෙපාර්තමේන්තුව පවසනවා.
ඒ, අනුව රත්නපුර, පැල්මඩුල්ල, කුරුවිට, කිරිඇල්ල, ඇලපාත සහ ඒ් අවට ප්රදේශවලට ඉදිරි කාලයේ ගංවතුර අවධානමක් පවතින බවයි එම දෙපාර්තමේන්තුව සඳහන් කළේ.
මේ අතර අත්තනගලු ඔය සහ ඌරුවල් ඔය පිටාර ගැලීම නිසා ගම්පහ, කිරිඳිවිට සහ අකරවිට යන ප්රදේශවල මර්ග කිහිපයක් අද පෙරවරුව වනවිටත් ජලයෙන් යටව පැවතියා.
වාරිමාර්ග දෙපාර්තමේන්තුව පෙන්වා දෙන්නේ ගිං ගඟේ ජල මට්ටම ද සැළකිය යුතු ලෙස ඉහළ යමින් පවතින බවයි.
මේ අතර පවතින අයහපත් කාලගුණ තත්ත්වය හේතුවෙන් පවුල් 11,792කට අයත් පුද්ගලයින් 44,294 දෙනෙකු බලපෑමට ලක්ව සිටින බව ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් පවසනවා.
පවතින ආපදා තත්ත්වය කළමණාකරණය කිරීම සඳහා ජනපති නියමයෙන් කැඳවා තිබූ රැස්වීමකට එක්වෙමින් රාජ්ය අමාත්යවරයා මේ බව සඳහන් කළා.
අධික වර්ෂාව හේතුවෙන් දිස්ත්රික්ක කිහිපයකට නිකුත් කර තිබූ නායයාම් අනතුරු ඇඟවීම් නිවේදනය තවදුරටත් බලාත්මකයි.
මේ අතර බස්නාහිර සහ සබරගමුව පළාත්වලත්, නුවරඑළිය දිස්ත්රික්කයේත් ඇතැම් ස්ථානවල තවදුරටත් මිලි මීටර් 100ට වැඩි තද වැසි ඇතිවිය හැකි බව කාළගුණ විද්යා දෙපාර්තමේන්තුව පවසනවා.
