අලෙවි කිරීම සඳහා සූදානම් කර තිබූ කසිප්පු බෝතල් 15ක් සමගින් පුද්ගලයින් දෙදෙනෙකු අද (29) අත්අඩංගුවට ගෙන තිබෙනවා
ත්‍රී රෝද රථයකින් මෙම කසිප්පු බෝතල් තොගය රැගෙන යමින් සිටියදී බදුල්ල, මගියංගනය ප්‍රධාන මාර්ගයේ කන්දකැටිය 21 කණුව පොලිස් මාර්ග භාදකය අසළදී ඔවුන් මෙලෙස අත්අඩංගුවට ගැණුනා.
අත්අඩංගුවට ගෙන ඇත්තේ කන්දකැටිය, කරමැටිය පරණ මහියංගන මාර්ගයේ පදිංචි අවුරුදු 21 හා 53 ක් වයසැති පුද්ගලයින් දෙදෙනෙක්.
කන්ද කැටිය පොලිසිය වෙත ලද තොරතුරක් මත 21 කණුව පොලිස් මාර්ග බාධකය අසළ සිදුකළ වැටලීමකදී සැකකරුවන් සහ ඔවුන් රැගෙන යමින් සිටි කසිප්පු අත්අඩංගුවට ගෙන තිබෙනවා.
ඔවුන් පොලිස් ඇප මත මුදා හැර ඇති අතර සැකකරුවන් සහ කසිප්පු තොගය මෙන්ම අත්අඩංගුවට ගත් ත්‍රී රෝද රථය බදුල්ල අධිකරණය වෙත ඉදිරිපත් කිරීමට නියමිතයි.
කන්දකැටිය පොලිස් ස්ථානාධිපති ප්‍රධාන පොලිස් පරීක්ෂක එස් දිසානායකගේ උපදෙස් හා මග පෙන්වීම මත කන්දකැටිය පොලිසියේ නිලධාරීන් වැටලීම සිදුකර සැකකරුවන් හා කසිප්පූ තොගය අත්අඩංගුවට ගැනීමට කටයුතු කළා.
සිද්ධිය සම්බන්ධයෙන් කන්දකැටිය පොලිසිය වැඩිදුර පරීක්ෂණ පවත්වනවා.
