කලා සහ සංස්කෘතික කටයුතු පිළිබඳ පාර්ලිමේන්තු සංසදයේ සභාපති ලෙස පාර්ලිමේන්තු මන්ත්‍රී ජගත් මනුවර්ණ මහතා ජුලි 11 පාර්ලිමේන්තුවේ දී තේරී පත් වුණා.
ඒ මෙම සංසදයේ සමාරම්භක රැස්වීමේදීය.
මෙහිදී සභාපතිවරයා ලෙස ඒ මහතාගේ නම පාර්ලිමේන්තු මන්ත්‍රීවරුන් වන රුවන් මාපලගම මහතා විසින් යෝජනා කළ අතර සුගත් වසන්ත ද සිල්වා මහතා විසින් ස්ථිර කරනු ලැබුවා.
එසේම සංසදයේ නියෝජ්‍ය සම සභාපතිවරුන් ලෙස පාර්ලිමේන්තු මන්ත්‍රීවරුන් වන රුවන් මාපලගම, තුෂාරි ජයසිංහ, සුසන්ත දොඩාවත්ත, සුගත් වසන්ත ද සිල්වා සහ නිලන්ති කොට්ටහච්චි යන මහත්ම මහත්මීන් තේරී පත් වුණා.
සංසදයේ ඉදිරි වැඩ කටයුතු පිළිබඳ සාකච්ඡා කිරීමට සංසදය එළ‍‍‍‍ඹෙන 22 වැනිදා නැවත රැස්වීමට තීරණය කෙරුණා.
