කල්පිටිය – කන්දකුලිය ප්‍රදේශයේ සංචාරක හෝටලයක ළැඟුම් ගෙන සිටි චීන ජාතිකයින් 55 දෙනෙකුව පුත්තලම කොට්ඨාස අපරාධ විමර්ශන අංශය විසින් අත්අඩංගුවට ගෙන තිබෙනවා.
අප ප්‍රාදේශීය වාර්තාකරු සඳහන් කළේ මෙම සැකකරුවන් ඊයේ (30) රාත්‍රියේ දී අත් අඩංගුවට ගත් බවයි.
සැකකාර චීන ජාතිකයින් සතුව තිබී ජංගම දුරකතන 40 ක් ද වැටලීම කළ නිලධාරීන් තම භාරයට ගැනුණා.
සැකකරුවන් කිසියම් සයිබර් අපරාධයක් සිදු කිරීම සඳහා කල්පිටිය ප්‍රදේශයට පැමිණ සිටින්නට ඇති බවට පොලිසිය මේ වනවිට සැක පළ කරනවා.
අත්අඩංගුවට ගෙන ඇති සැකකාර චීන ජාතිකයින් මේ වන විට නොරොච්චෝලේ පොලීසියේ රඳවා තබාගෙන ප්‍රශ්න කරන බවයි වාර්තා වන්නේ.
ඒ නොරොච්චෝලේ පිහිටි ලක්විජය ගල් අඟුරු බලාගාරයේ සේවය කරන චීන ජාතිකයින්ගේ සහාය ඇතිවයි.
පුත්තලම කොට්ඨාස අපරාධ විමර්ශන අංශය වැඩිදුර පරීක්ෂණ කරගෙන යනවා.
