තම වගාවන් සඳහා රජයේ පොහොර සහනාධාර මුදල නිසි කලට නොලැබීම හේතුවෙන් දඹුල්ලේ ගොවීන් පීඩාවට පත්ව සිටිනවා.
නිසි කලට පොහොර යෙදවීමට නොහැකිවීම හේතුවෙන් ගොවිතැනට නොයෙකුත් ලෙඩ රෝග බෝවීම නිසා තමන් ගැටලු රැසකට මුහුණ දී සිටින බවයි ගොවීන් පවසන්නේ. .
ඇරැව්වල සහ කණ්ඩලම යන ප්රදේශවල ගොවි ජනතාවට රජයේ පොහොර සහනාධාර මුදල නිසි කලට නොලැබීම නිසා දැඩි අසීරුතාවයකට පත්ව සිටිනවා.
නිසි කලට පොහොර යෙදවීමට නොහැකි වීම හේතුවෙන් මේ වන විට ඇරැව්වල මහා යාය ඇතුළු ප්රදේශ රැසක කුඹුරු අක්කර ගණනාවක් කහ රෝගය වැළඳී ගොයම බාල වී තිබෙනවා.
යල කන්නය උදාවී ඇතත් තවමත් රජයේ සහන පොහොර මුදල් නොලැබුණු බවටයි ගොවීන් මැසිවිලි නගන්නේ.
මේ පිළිබඳ ව බලධාරීන් දැනුවත් කළ ද තවමත් නිසි විසඳුමක් ගොවීන්ට ලැබී නැහැ.
