පසුගිය 2008 වසරේ කොළඹ හා තදාසන්න ප්රදේශවල තරුණයින් එකොළොස් දෙනෙකු පැහැරගෙන ගොස් අතුරුදන් කිරීමේ සිද්ධිය සම්බන්ධයෙන් හිටපු නාවික හමුදාපති වසන්ත කරන්නාගොඩට එරෙහිව ඉදිරිපත් කර තිබූ චෝදනා ඉවත්කර ගැනීමට නීතිපතිවරයා විසින් ගෙන තිබෙන තීරණයට එරෙහිව ගොනුකර තිබෙන අභියාචනා පෙත්සම සලකා බලන විනිසුරු මඬුල්ලේ විනිසුරුවරු දෙදෙනෙකු ඉවත් ව තිබෙනවා.
මෙම පෙත්සම අද (28) වැනිදා ඒ.එච්.එම්.ඩී. නවාස්, ජනක් ද සිල්වා සහ ප්රියන්ත ප්රනාන්දු යන අයගෙන් සමන්විත ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබූ බවයි දසත අධිකරණ වාර්තාකාරිණිය සඳහන් කළේ.
එහිදී ත්රිපුද්ගල විනිසුරු මඩුල්ලේ සාමාජික විනිසුරුවරුන් වන ඒ.එච්.එම්.ඩී. නවාස් සහ ප්රියන්ත ප්රනාන්දු යන විනිසුරුවරු පෞද්ගලික හේතුන් මත තමන් මෙම නඩු විභාගයෙන් ඉවත්වන බව දැනුම්දුන්නා.
ඒ අනුව වෙනත් විනිසුරු මඩුල්ලක් ඉදිරියේ පෙත්සම කරුණු තහවුරු කිරීම සඳහා සැප්තැම්බර් මස 15 වැනිදා කැඳවන ලෙසත් නියෝග කළා.
මෙම සිද්ධියෙන් අතුරුදන් වූ තරුණයින්ගේ ඥාතීන් විසින් මෙම අභියාචනා පෙත්සම ඉදිරිපත් කර තිබෙනවා.
