ශ්රීලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේනගේ මරණය සම්බන්ධයෙන් වන පශ්චාත් මරණ පරීක්ෂණය අද (09) දින පැවැත්වීමට නියමිතව තිබෙනවා.
කොළඹ ජාතික රෝහලේ අධ්යක්ෂවරයා විසින් පත් කරන 05 දෙනෙකුගෙන් යුත් අධිකරණ වෛද්ය මණ්ඩලය මගින් මෙම පශ්චාත් මරණ පරීක්ෂණය සිදුකරන ලෙසයි කොටුව මහේස්ත්රාත් පසන් අමරසේන මහතා නියෝග කර ඇත්තේ.
ඒ, අනුව ලබන 12 වනදා අධිකරණයට කරුණු වාර්තා කරන ලෙසත් මහේස්ත්රාත්වයා නියෝග කර තිබෙනවා.
ශ්රීලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේනගේ මළසිරුර කොල්ලුපිටිය, පේද්රිස් මාවත ප්රදේශයේ පිහිටි නිවසක තිබී ඊයේ (08) උදෑසන සොයාගත්තා.
මේ අතර කපිල චන්ද්රසේනගේ මරණයට හේතුව අධිකරණ වෛද්යවරුන් විසින් තීරණය කරනු ඇතැයි මහජන ආරක්ෂක අමාත්ය ආනන්ද විජේපාල පවසනවා.
සිද්ධිය සම්බන්ධයෙන් පොලිසිය අවශ්ය සියලු පරීක්ෂණ ආරම්භ කර ඇති බවයි අමාත්යවරයා පැවසුවේ.
wpDiscuz
