මධ්යම කඳුකරයේ, බටහිර බෑවුම් ප්රදේශවල පැවති අයහපත් කාලගුණ තත්ත්වය පහළ යෑමත් සමඟ නුවරඑළිය දිස්ත්රික්කයේ තේ වතු ආශ්රිතව සහ හැටන්- කොළඹ, හැටන් – නුවරඑළිය ප්රධාන මාර්ගවල සහ බගවන්තලාව ප්රදේශයේ මේ දිනවල කහකෝනා මල් හටගෙන තිබීම නිසා එම ප්රදේශ අලංකාර වී තිබෙනවා.
1815 වසරේ සුදු අධිරාජ්යවාදීන් විසින් තේ වගාව මෙරට නගා සිටුවීමේ දී, තේ ගස්වල සෙවනට සහ පාංශුඛාදය වැළැක්වීම සඳහා කහකෝනා ගස් සහ මැයි මාර නැතහොත් ඉන්දියානු ටියුලිප් ගස් රෝපණය කර ඇති බව සඳහන්.
වසරකට වතාවක් මල් පිපෙන මෙම කහකෝනා ගස්වල මල් විශාල වශයෙන් මේ දිනවල පිපී ඇති අතර, මෙම මල්වල ඇති සුවඳට බඹරුන් සහ මී මැස්සන් වැනි කෘමින් විශේෂ ද විශාල වශයෙන් පැමිණෙන බව වාර්තා වනවා.
