බොරැල්ල – කනත්ත පිටුපස ඇති කිතුල්වත්ත පාර අසල දී සිදු වූ රිය අනතුරකින් පුද්ගලයෙකු ජීවිතක්ෂයට පත්ව තිබෙනවා.
අද (17) පෙරවරුවේ මෙම අනතුර සිදු ව ඇති බවයි බොරැල්ල පොලිසිය පැවසුවේ.
නාරාහේන්පිට – කිතුල්වත්ත පාරේ සිට අධික වේගයකින් පැමිණි මෝටර් රථයක් යතුරුපැදියක ගමන් ගත් පුද්ගලයකු යට කරගෙන ගොස් මෙම අනතුර සිදුව තිබෙනවා.
අනතුර සිදුවීමෙන් පසුව මෝටර් රථයේ ආ දෙදෙනකුගෙන් එක් අයෙකු එහි සවිකර තිබූ කැමරාව ගලවාගෙන පැන ගොස් ඇති බවයි වාර්තා වන්නේ.
කෙසේවෙතත් බොරැල්ල පොලිසිය විසින් මෝටර් රථයේ රියදුරු අත් අඩංගුවට ගෙන ඇති අතර ඔහු ද එම ප්‍රදේශයේ ම පදිංචිකරුවෙකු බවත් යතුරුපැදියේ ගමන් ගත් මරණකරු සීවලීපුර පදිංචිකරුවෙකු බවත් හෙළිව තිබෙනවා.
සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.
