වත්මන් පාර්ලිමේන්තුවේ කථානායක මහින්ද යාපා අබේවර්ධන විසින් මාතර දිස්ත්රික්කයේ විහාරස්ථානවල, විහාරාධිපති ස්වාමීන්වහන්සේලා වෙත අලුත් අවුරුදු සුබ පැතුම් පතක් මුද්රණයකර තැපැල් මඟින් යවා ඇති බව වාර්තා වනවා.
එලෙස යවන ලද සුබ පැතුම් පත් අතරින් සුබ පැතුම් පත් හතරක්ම තැපැල් මාර්ගයෙන් තමන් වෙත ලැබුණු බව බෙලිවත්ත, කොට්ටගොඩ ශ්රී සුදර්මාශ්රමයේ විහාරාධිපති පූජ්ය බුද්දියාගම ධම්මසේන හිමියන් සඳහන් කරනවා.
එකම වර්ගයේ සුබ පැතුම් පත් හතරක් මෙලෙස ලැබුණු බවත්, මීට සතියකට පෙර එක් සුබ පැතුම් පතක් ලැබුණු බවත් අනෙක් සුබ පැතුම් පත් තුන අද (07) දිනයේ දී විහාරස්ථානය වෙත ලැබුණු බවත් අප කළ විමසිමක දී උන්වහන්සේ ප්රකාශ කර සිටියා.
මේ අතර දැඩි මූල්ය අර්බුදයකට රට පත්ව ඇති මොහොතක රටේ මහජනතාවගේ මුදල් නාස්තිකරමින් සුබ පැතුම් පත් මුද්රණය කරමින් මෙවැනි ආකාරයේ කටයුතු කිරීම කිසිසේත් අනුමත කළ නොහැකි බවයි විහාරාධිපති ස්වාමීන් වහන්සේලා මේ සම්බන්ධයෙන් අදහස් දක්වමින් සඳහන් කළේ.
