එළඹෙන 17 වනදා පාර්ලිමේන්තුවේ දී විපක්ෂය නියෝජනය කරන කතානායකවරයෙක් යෝජනා කිරීමට බලාපොරොත්තු වන බව සමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර පවසනවා.
අද (15) පෙරවරුවේ කොළඹ දී මාධ්‍ය හමුවක් පවත්වමින් මන්ත්‍රීවරයා මේ බව සඳහන් කළා.
ඒ, අනුව මෙරට මහජතවගේ ඡන්දයෙන් පාර්ලිමේන්තුවට තේරීපත්ව සිටින මන්ත්‍රීවරයෙක් කතානායකවරය වශයෙන් විපක්ෂයෙන් යෝජනා කිරීමට බලාපොරොත්තුවන බවයි නලින් බණ්ඩාර මන්ත්‍රීවරයා මෙහිදී පවසා සිටියේ.
කෙසේ වෙතත් තවමත් ඒ සඳහා මන්ත්‍රීවරයෙකුගේ නමක් යෝජනා වී නොමැති බවත්, විපක්ෂයේ අනෙකුත් කණ්ඩායම් සමඟත් සාකච්ඡාකර මේ සම්බන්ධව තීරණයක් ගන්නා බවයි ඔහු මෙහි දී වැඩිදුරටත් පැවසුවේ.
මේ අතර කතානායක තනතුර සඳහා ආණ්ඩු පක්ෂයේ තිදෙනෙකුගේ නම් යෝජනා වී ඇති බව දේශපාලන ආරංචි මාර්ග සඳහන් කරනවා.
