පසුගිය 22 වැනිදා කතරගම – ගෝතමීගම කනිටු විදුහලෙ විදුහල්පතිවරයා විසින් පිරිමි ළමුන් කිහිපදෙනෙකුට සිදු කරන ලද ලිංගික අතවර චෝදනාවට එරෙහිව සැකකාර විදුහල්පතිවරයාව 04 වැනිදා තෙක් රක්ෂිත බන්ධනාගාරගත කිරීමට අධිකරණය නියෝග කර තිබෙනවා.
අප ප්රාදේශීය වාර්තාකරු පැවසුවේ සැකකරු ව තිස්සමහාරාම මහේස්ත්රාත් අධිකරණයට ඉදිරිපත් කළ අවස්ථාවේ දී තවත් ළමුන් දෙදෙනකු සම්බන්ධයෙන් සැකකරුට එරෙහිව නඩු වාර්තා ගොනු කර ඇති බවටයි.
ඒ අනුව චූදිතයාට එරෙහිව නඩු 04ක් ගොනු වී තිබෙනවා.
අදාළ සිද්ධියට මුහුණ දුන් දරුවන්ට සිදුවන තර්ජන සම්බන්ධයෙන් සහ මේ සිදුවීම්වලට අනුබල දුන් පුද්ගලයින් සම්බන්ධ වෙනම පරීක්ෂණයක් සිදු කළ යුතු බවට දන්වමින් ළමයින් වෙනුවෙන් ඉදිරිපත් වූ එක්සත් මානව හිමිකම් සංවිධානයේ නීතිඥවරයා අධිකරණයෙන් ඉල්ලා ඇති බවයි වාර්තා වන්නේ.
ඒ අනුව අදාළ ඉල්ලීම් ගැන සලකා බැලීම සඳහා සැප්තැම්බර් මස 04 වැනිදා තෙක් සැකකාර විදුහල්පතිවරයාව රක්ෂිත බන්ධනාගාරගත කර පරීක්ෂණ කඩිනම් කරන ලෙසට ද කතරගම පොලිසියට අධිකරණය දන්වා තිබෙනවා.
අද උදෑසන 9.00 සිට සවස 2.00 පමණ වනතුරු ගෝතමීගම ගම්මානයේ දෙමව්පියන් අධිකරණ පරිශ්රය ඉදිරියේ සාමකාමී උද්ඝෝෂණයක ද නිරත වූ බවයි වාර්තා වන්නේ.
