සංවිධානාත්මක අපරාධ කල්ලි සාමාජිකයෙකුවන කංජිපානි ඉම්රාන් නැමැත්තාගේ සමීපතම ඥාතියෙක් පසුගිය 10 වනදා කොටහේන පොලිස් වසමේ සංඝරාජ මාවත ප්රදේශයේදී වෙඩි තබා ඝාතනය කර තිබුණා.
මෙම ඝාතනයට සම්බන්ධ සැකකරුවන් පස්දෙනෙකු පොලීසිය ඊයේ (17) දිනයේ අත්අඩංගුවට ගෙන ඇති බවයි වුණේ.
ඒ, අනුව සැකකරුවෙක් සහ සැකකාරියක් මෙම අපරාධයට ආධාර අනුබලදීම සම්බන්ධයෙන් කොළඹ උතුර කොට්ඨාස අපරාධ විමර්ශන අංශය මඟින් අත්අඩංගුවට ගෙන ඇති අතර, ඔවුන් දෙදෙනා සන්තයේ තිබී අයිස් මත්ද්රව්ය ග්රෑම් 25 මිලිග්රෑම් 840ක් ද දොයගෙන තිබෙනවා.
සැකකරු 21 වන වියරැ පසුවන අයෙක් වන අතර සැකකාරිය අවුරුදු 23ක කොළඹ 15 ප්රදේශයේ පදිංචිකාරිනියක්.
මේ අතර මෙම අපරාධයට සම්බන්ධ සැකකරුවන් තිදෙනෙක් කොළඹ දිසා අපරාධ කොට්ඨාසය මඟින් ඊයේ (17) අත්අඩංගුවට ගත් බව පොලිසිය සඳහන් කළා.
මෙලෙස අත්අඩංගුවට ගැනුණු සැකකරුවන් තිදෙනා අවුරුදු 19, 25 හා 28, වයස්වල පසුවන මට්ටක්කුලිය, දොම්පේ හා මුල්ලේරියාව යන ප්රදේශවල පදිංචිකරුවන් බවයි වාර්තා වුණේ.
මොවුන් සන්තකයේ තිබී අයිස් මත්ද්රව්ය ග්රෑම් 12 මිලිග්රෑම් 380ක් ද සොයාගෙන තිබෙනවා.
පසුගිය 10 වනදා යතුරුපැදියකින් පැමිණි පුද්ගලයින් දෙදෙනෙකු මෙම වෙඩිතැබීම සිදුකර පලාගොස් තිබූ අතර, වෙඩි ප්රහාරයෙන් තුවාල ලැබූ 4 හැවිරිදි මොහොමඩ් අස්මින් මොහිදීන් නැමැති පුද්ගලයා කොළඹ ජාතික රෝහලට ඇතුළත් කිරීමෙන් අනතුරුව ජීවිතක්ෂයට පත් වුණා.
