නීති විරෝධී ලෙස බොට්ටු මගින් මුහුදු මාර්ගයෙන් ඕස්ට්රේලියාව බලා පිටව යාමට සූදානම්ව මඩකලපුව – පුණ්ණකුඩි මුහුදු තීරයේ රැඳී සිටි පුද්ගලයින් 16 දෙනෙකු විශේෂ කාර්ය බලකාය විසින් ඊයේ (11) අත්අඩංගුවට ගෙන තිබෙනවා.
මෙලෙස අත්අඩංගුවට ගත් පිරිස අතර 29 හැවිරිදි කාන්තාවක් ද සිටින බවයි වාර්තා වුණේ.
මොවුන් පේදුරුතුඩුව, යාපනය, වව්නියා, කිලිනොච්චි, වැල්වැටිතුරෙයි යන ප්රදේශවල පදිංචිකරුවන්.
මෙම පිරිස මුහුදු මාර්ගයෙන් ඕස්ට්රේලියාව බලා පිටත්කර යැවීමට මූලිකත්වය ගත් සැකකරු ද මේ සමඟ අත්අඩංගුවට ගෙන ඇති අතර ඔහු සන්තයේ තිබූ රුපියල් දාහත් ලක්ෂ දාහදාහක මුදලක් සහ වැන්රථයක් විශේෂ කාර්ය බලකායේ භාරයට ගෙන තිබෙනවා.
මෙම පිරිස වැඩිදුර විමර්ශන කටයුතු සඳහා ඒරාවුර් පොලිස් ස්ථානය වෙත භාර දී ඇති බවයි වාර්තා වුණේ.
ඔබේ ප්රතිචාරය කුමක්ද ?
+1
+1
+1
+1
+1
+1
+1
