ඕමානයේ මස්කට් නුවර ශ්රී ලංකා තානාපති කාර්යාලයට අනුබද්ධිතව පවත්වා ගෙන යනු ලබන “සුරක්ෂා” නිවසෙහි රඳවා සිටි ශ්රී ලාංකික ගෘහ සේවිකාවන් 07 දෙනෙකු අද (08) අලුයම කටුනායක ගුවන් තොටුපළ වෙත පැමිණ තිබුණා.
ඕමානයේ “සුරක්ෂා”නිවසෙහි රඳවා සිටින ගෘහ සේවිකාවන් 118 දෙනා අතරින් 11 දෙනෙකු ශ්රී ලංකාවට පිටත්කර එවීම සදහා මස්කට් නුවර ගුවන් තොටුපළ වෙත රැගෙන විත් භාර දී ඇති අතර, එහිදී ගෘහ සේවිකාවන් 04 දෙනෙකුගේ ලියකියවිලි පිළිබඳව ඇති වූ ගැටළුවක් මත ඔවුන් ගුවන් යානය විසින් භාර ගැනීම ප්රතික්ෂේප කර තිබෙනවා.
ඒ, අනුව ඉතිරි ශ්රී ලාංකික ගෘහ සේවිකාවන් 07 දෙනා අද (08) අලුයම 05.21ට ඕමානයේ මස්කට් නුවර සිට මෙරටට පැමිණ බවයි ගුවන්තොටුපොළ අප වාර්තාකරු සඳහන් කළේ.
ශ්රී ලන්කන් ගුවන් සේවයට අයත් යූ.එල්.- 206 දරන ගුවන් යානයෙන් කටුනායක ගුවන් තොටුපළ වෙත පැමිණි මෙම පිරිස ගුවන් තොටුපළේ දී ශ්රී ලංකා විදේශ සේවා නියුක්ති කාර්යාංශයේ නිලධාරීන් පිරිසක් විසින් භාර ගෙන තිබෙනවා.
පසුව මෙම ගෘහ සේවිකාවන් 07 දෙනා කටුනායක, 18 කණුව ප්රදේශයේ පිහිටි “සහන පියස” සේවා මධ්යස්ථානය වෙත රැගෙන යාමටයි පියවර ගෙන ඇත්තේ.
මෙලෙස අද දිනයේ මෙරටට පැමිණ ඇත්තේ වෙන්නප්පුව, ත්රිකුණාමලය, කින්නියා සහ මඩකලපුව යන ප්රදේශවල පදිංචිකාරිනියන් බවයි වාර්තා වන්නේ.
