ඕස්ට්රේලියා මුහුදු සීමාව තුළ පිහිටි කොරල් දූපත් විශාල ප්රමාණයක් අතුරුදහන් වීමේ අවදානමක් පවතින බව අධ්යයනයකින් හෙළි වී තිබෙනවා.
මුහුදු මට්ටම ඉහළ යාම ඇතුළු විවිධ හේතූන් ඒවායේ පැවැත්මට තර්ජනයක් වී ඇති අතර කොරල් දූපත් ඒවා අතුරුදහන් වීම රටේ මුහුදු සීමාවට ද බලපෑම් ඇති කළ හැකි බවටයි අධ්යයනයකින් හෙළිවී ඇත්තේ.
මෙම දූපත් 56ක් තාප තරංගවලට ලක්වීම සහ ගංවතුරට ගොදුරු වීම ඇතුළු සාධක මත පදනම්ව විනාශ වීමේ අවධානමක් ද පෙන්නුම් කරනවා.
ක්වීන්ස්ලන්ත වෙරළට ඔබ්බෙන් වූ කොරල් මුහුදේ දූපත් එකොළහක් ඉහළ අවදානමකට මුහුණ දෙන දූපත් ලෙසට වර්ග කර ඇතැයි සඳහන්.
අවදානම් තක්සේරු කිරීම් පදනම් වී ඇත්තේ දූපත්වල පවතින වර්තමාන තත්වයන් මත වුව ද දේශගුණික විපර්යාස හේතුවෙන් සමුද්ර තාප තරංග සහ සාගර ජල මට්ටම ඉහළ යාමේ තර්ජනය වැඩි වන බවයි වාර්තාව පවසන්නේ.
දූපත්වලට ඇති අවදානම ඒ මත ජීවත් වන සහ යැපෙන ප්රජාවන්ට ද බලපෑම් ඇති කරන බව අධ්යයනය මගින් හෙළි කරගෙන තිබෙනවා.
මහා බාධක කොරල්පරයට දේශගුණික විපර්යාස හේතුවෙන් එහි කොරල්පරවලින් අඩකට වඩා අහිමි වී ඇතැයි ද සඳහන්.
ලෝකයේ සාගර ජීව විශේෂවලින් 25%ක් පමණ ඔවුන්ගේ ජීවන චක්රයේ යම් අවස්ථාවක කොරල්පර මත රඳා පවතිනවා.
