තරග 05කින් සමන්විත එක්දින තරගාවලියේ ඔස්ට්‍රෙලියාවට එරෙහිව එංගලන්තය තරග කරන තුන්වැනි සහ තීරණාත්මක තරගයක් හෙට (24) පස්වරුවේ පැවැත්වෙනවා.
මෙරට වේලාවෙන් තරගය පැවැත්වෙන්නේ පස්වරු 5ට චෙස්ටර් -ලී – ස්ට්‍රීට් හි දීයි.
මේ වනවිට මෙම එක්දින තරගාවලියේ වැඩි වාසියක් හිමිකරගෙන සිටින්නේ සංචාරක ඔස්ට්‍රේලියානු කණ්ඩායම වනවා.
ඒ පැවති තරග දෙකම ජයගනිමින්.
එබැවින් හෙට තරගය කෙසේ හෝ ජය ගැනීම එක්දින තරගාවලි ප‍රාජයකින් බේරීමට එංගලන්තයට තීරණාත්මක වනවා.
ඔස්ට්‍රෙලියාවට ද හෙට තරගය තීරණාත්මක වන්නේ තරගාවලි ජයක් වේලාසනින් ම ලියාගැනීමට හැකි අවස්ථාවක් උදාවන හෙයින්.
ඔස්ට්‍රෙලියානු කණ්ඩායම හමුවේ එංගලන්තය පළමු තරගය කඩුලු 07කින් පරාජයට පත් වූ අතර දෙවැනි තරගය ලකුණු 68කින් පරාජයට පත් වුණා.
