ජාතික හැඳුණුම්පතෙහි අවසන් අංකයේ ඔත්තේ ඉරට්ටේ ක්රමවේදය බලපාන්නේ පෞද්ගලික කාරණා වෙනුවෙන් නිවෙසින් බැහැරව යන අයට පමණක් බව කොවිඩ් 19 පැතිරීම පාලනය කිරීමේ ජාතික ක්රියාන්විත මධ්යස්ථානයේ ප්රධානී යුද හමුදාපති ජෙනරාල් ශවේන්ද්ර සිල්වා පවසනවා.
එලෙස වුවද ගමන් කළ හැක්කේ ද තම නිවස ආසන්නයේ පිහිටි වෙළඳසලට පමණක් බව යි ඔහු අවධාරණය කරන්නේ.
කෙසේ වෙතත් රැකියා සඳහා යන අයට ජාතික හැදුනුම්පතේ ඔත්තේ ඉරට්ටේ ක්රමවේදය අදාළ නැති බව ද යුද හමුදාපතිවරයා ප්රකාශ කළා.
සේවකයන්ව ආයතනවලට ගෙන්වීම සම්බන්ධයෙන් ආයතන ප්රධානීන්ට ක්රමවේදයක් හඳුන්වා දී ඇති බවත් බොහෝ ආයතන සේවයට කැඳවන්නේ මුළු සේවකයන්ගෙන් සියයට විසි පහක් පමණක් බවත් යුද හමුදාපතිවරයා වැඩිදුරටත් සඳහන් කළා
