ඔත්තු බැලීමේ අවදානමක් නිසා නෙදර්ලන්තය චීන කැමරා පද්ධති ඉවත් කරයි

නෙදර්ලන්ත අගනුවර වන ඇම්ස්ටර්ඩෑම් බලධාරීන් චීන සමාගම් විසින් නිෂ්පාදනය කරන ලද කැමරා නගරයෙන් ඉවත් කරමින් සිටිනවා.

ඊට හේතු වී ඇත්තේ ඔත්තු බැලීම් සහ මානව හිමිකම් උල්ලංඝනය කිරීම් පිළිබඳ කනස්සල්ල හේතුවෙන්.

ඇම්ස්ටර්ඩෑම් මහ නගර සභාව දැනට ගමනාගමනය සහ පොදු අවකාශයන් නිරීක්ෂණය කිරීම සඳහා භාවිතා කරන, ආසන්න වශයෙන් චීනයේ නිෂ්පාදිත නිරීක්ෂණ කැමරා ස්ථාපන 1,280ක් ඉවත් කිරීමට සැලසුම් කර තිබෙනවා.

මේවා අදියර වශයෙන් ඉවත් කිරීමේ මෙහෙයුම වසර පහක් ඇතුළත සිදුවනු ඇති.

ඒ අනුව චීන නොවන කැමරා පද්ධති ලබාදෙන ලෙස බලධාරීන් සැපයුම්කරුවන්ගෙන් විශේෂයෙන් ඉල්ලා සිටිනවා.

මෙම තීරණය චීන සමාගම්වල නිරීක්ෂණ උපකරණ මඟින් බීජිං හි නිෂ්පාදකයාට හෝ රජයට පින්තූර සම්ප්‍රේෂණය කළ හැකි බවට වර්ධනය වන භීතියක් මතුව තිබීම මත ගනු ලැබූවක්.

සැලකිය යුතු කරුණක් නම්, චීනයේ උයිගර් සුළුතරයට එරෙහිව මානව හිමිකම් කඩකිරීම්වලට සහභාගී වූ බවට චීන සමාගම් වන Hangzhou Hikvision Digital Technology Co. සහ Zhejiang Dahua Technology Co. වෙත එක්සත් ජනපද නිලධාරීන් විසින් චෝදනා කර තිබීමයි.

ඇම්ස්ටර්ඩෑම්යේ මෙම පියවර පැමිණෙන්නේ එක්සත් රාජධානියේ සහ ඕස්ට්‍රේලියානු රජයන් විසින් ගන්නා ලද සමාන ක්‍රියාමාර්ගවලින් පසුව වන අතර, එමඟින් සංවේදී රජයේ සහ ආරක්ෂක අඩවිවලින් චීනයේ නිෂ්පාදිත නිරීක්ෂණ තාක්ෂණය ඉවත් කර තිබෙනවා.

මෙම වසර මුලදී, නෙදර්ලන්තයේ හමුදා බුද්ධි හා ආරක්ෂක සේවය විසින් උසස් අනිෂ්ට මෘදුකාංග සම්බන්ධ චීන ඔත්තු බැලීමේ වැඩපිළිවෙළක් හෙළිදරව් කරනු ලැබුවා.